Жаңалықтар

22-23 қарашада Астана қаласында Қазақстан Республикасының Тұңғыш Президенті - Елбасы қорында «Денсаулық сақтаудағы инновациялар» халықаралық ғылыми форумы өткізілді. Форум екі конференциядан тұрды: «Биомедицина. Ғылым. Тәжірибе» және «Хирургия: бүгін және ертең». Форумға 500-ге жуық қонақтар мен тыңдаушылар қатысты, сондай-ақ 90 спикер сөз сөйледі, соның ішінде өз қызметінде инновацияларды енгізіп келген түрлі бейінді жетекші отандық және шетелдік дәрігерлер.

Форумды Қазақстан Республикасы Президенті Іс Басқарушысының орынбасары Қанат Шөкенов ашты. Ол қазіргі кезде медицина ғылымы мен практикасы қарқынды дамып келе жатқандығын атап өтті: «Қазақстан Республикасы Президенті Іс Басқармасы Медициналық орталығының ауруханаларында күнделікті нейрохирургиялық, кардиохирургиялық және урологиялық операциялардың инновациялық түрлері жүргізіледі, соның ішінде роботтық техниканы пайдаланумен. Ядролық медицина жылдам қарқынмен дамып келеді, жүрек, эпилептиктология, геронтология және қалпына келтіру медицинасының орталықтары ашылды. Жақын арада заманауи геномдық зертхананың ашылуы жоспарланып отыр».

Форумның пленарлық сессиясында Қазақстан Республикасында роботтандырылған хирургия, онкология және денсаулық сақтауды цифрландыру саласындағы инновациялық әзірлемелер, ғылыми, ғылыми- техникалық қызметті гранттық қаржыландыру арқылы инновациялық өнімдер мен қызметтерді енгізу мәселелері талқыланды.

Сонымен қатар, Қазақстан Республикасының Денсаулық сақтау министрі Біртанов Елжан Амантайұлы қатысушыларды Форумның ашылуымен құттықтады.

Пленарлық сессияда Қазақстан Республикасы Президенті Іс Басқармасы Медициналық орталығының басшысы Валерий Бенберин баяндама жасап, дербестендірілген медицина саласындағы жаңа әзірлемелер туралы және осы саладағы жаңа қолданбалы бағыт - молекулалық микроскопия туралы әңгімеледі.

Іс-шараға қатысушыларға онкология, кардиология, пульмонология, эндоскопия, роботтандырылған хирургия және нейрохирургия, жасамыстыққа қарсы медицина саласындағы соңғы әзірлемелерді ұсынды.

Сондай-ақ, форумның бірегей баяндамасы роботтандырылған онкология саласындағы ең танымал хирургтардың бірі Давид Самадидің «Роботтандырылған хирургия саласындағы инновациялық әзірлемелер» атты баяндамасы болды.

Сонымен қатар, Куба Республикасының Төтенше және Өкілетті Елшісі Эмилио Певида Пупо және Ресей Федерациясының Қазақстан Республикасындағы Төтенше және Өкілетті Елшісі Алексей Бородавкин құттықтау сөз сөйледі.

Шетелдік спикерлер арасында, молекулярлық биология кафедрасының профессоры Альберт Пинхасов «Жасқа ассоциацияланған аурулардың генетикалық аспектілері: ғылыми және инновациялық перспективалар» атты баяндамамен ерекшеленді. Сонымен қатар, мынадай ұлттық баяндамашылар: химия ғылымдарының докторы, профессор Мұрат Журинов; мемлекеттік сыйлықтың лауреаты, медицина ғылымдарының докторы, профессор Жақсыбай Жұмаділов, экономика ғылымдарының докторы, профессор Ануарбек Сұлтанғазин және «Тірі туыс донордан бауыр трансплантациясы» атты баяндамасымен Болатбек Баймахановты атап өтуге болады.

Конференцияның ерекше іс-шарасы Қазақстан Республикасы Президенті Іс Басқармасы Медициналық орталығы ауруханасының роботтандырылған операциялық стационарынан операцияны тікелей эфирге беру болды.

Форум аясында клиникалық-диагностикалық зертханалар, инновациялық медициналық жабдықтар, медициналық мақсаттағы бұйымдар, фармацевтикалық препараттар, ресурс үнемдеуші және экологиялық таза технологиялар, медициналық және курорттық әдебиет және anti-age технологиялар көрмесі ұйымдастырылды.

Форум Қазақстан Республикасы Тұңғыш Президенті Қорының және Қазақстан Республикасы Ұлттық ғылым академиясының қолдауымен ұйымдастырылды.

2018 ж. 3 қарашада Қазақстан Республикасы Президенті Іс Басқармасы Медициналық орталығының жыл сайынғы спорт жарыстарының шеңберінде Астана қ. 20-жылдығына арналған үстел теннисінен турнир өтті. Медициналық орталықтың ведомстволық қарасты ұйымдарынан барлығы 7 команда қатысты. Турнир жеңімпазы болып, 1 орынға ие болған – «ҚР ПІБ Медициналық орталығының ауруханасы» РМК, 2 орынды – «Оқжетпес» ЕСК» АҚ және 3 орынды – «ҚР ПІБ Медициналық орталығы» ММ иеленді.

Сонымен қатар, турнирдің үздік ойыншылары анықталды: Келдиаров Базарбай Ермекұлы («Оқжетпес» ЕСК» АҚ) және Исабаева Әлия Мұхаметжанқызы (ҚР ПІБ Медициналық орталығының ауруханасы» РМК).

Спортшыларымызды жарыстағы жеңісімен шын ниетпен құттықтаймыз!

Қазақстан Республикасы Президенті Іс Басқармасының Медициналық орталығы басшысы В.В. Бенбериннің атынан Қазақстан Республикасы Президенті Іс Басқармасының Медициналық орталығы басшысының орынбасары А.Н. Дөкенов алғы сөз сөйледі.

«Астана» Медициналық университетінде денсаулық сақтауды дамыту мемлекеттік бағдарламасы аясында «жеңіл» ауыз суды тұтыну мәдениетіне халықты үйрету бойынша ақпараттық-ағарту жобасын іске қосуға арналған баспасөз конференциясы өтті, - деп Көкшетау минералды су АҚ баспасөз қызметіне сілтеме жасап хабарлайды «Көкшетау Азия» ақпараттық агенттігі.

Бұл жоба ҚР Денсаулық сақтау министрлігінің Қоғамдық денсаулық сақтау комитетінің, Қазақ тағамтану академиясының Тағамтану проблемалары институтының, «Астана» Медициналық университеті оқытушыларының және ғалымдарының, сондай-ақ өзінің бірегей қасиеттері үшін дамыту үшін ғылыми грант алған Turan «жеңіл» табиғи минералды суды шығаратын «Көкшетау минералды су» акционерлік қоғамының қолдауымен ҚР Денсаулық сақтау министрлігінің Ғылым қорының гранты бойынша іске асырылуда.

Ұйымдастырушылар: Қазақ тағамтану академиясының Тағамтану проблемалары институты, «Көкшетау минералды су» АҚ және Қазақстан Республикасы Денсаулық сақтау министрлігінің Ғылым қорының және «Астана» Медициналық университетінің қолдауымен «Азия Су Компаниясы».

2018 ж. 8 қыркүйекте салауатты өмір салтын насихаттау мақсатында Қазақстан Республикасы Президенті Іс Басқармасы Медициналық орталығының ведомстволық қарасты ұйымдары арасында Астана қ. 20-жылдығына арналған бильярд турнирі өтті. Турнирге барлығы 8 команда қатысты. Турнир Олимпиадалық жүйемен «Мәскеу пирамидасы» ойынының ережелері бойынша жүргізілді. Табанды, әрі әділ күресте жеңімпаздар келесідей анықталды:

1 орын – «Оқжетпес» ЕСК» АҚ;

2 орын – «ҚР ПІБ Медициналық орталығының ауруханасы» РМК;

3 орын – «Санитариялық-эпидемиологиялық сараптау орталығы» РМК.

Спортшыларымызды жарыстағы жеңісімен шын ниетпен құттықтаймыз! Турнир жеңімпаздары Қазақстан Республикасы Президенті Іс Басқармасының ведомстволық қарасты ұйымдары арасындағы бильярд турниріне қатысатын болады. Оларға сәттілік тілейміз!

Қазақстан Республикасы Президенті Іс Басқармасының Медициналық орталығы Ғылыми-клиникалық кеңестің (бұдан әрі – ҒКК) кеңейтілген (біріктірілген XVII и XVIII) отырысын өткізіп, оған мына тұлғалар қатысты: В.В. Бенберин – ҒКК төрағасы, медициналық ғылымдар докторы, профессор; Төлеғалиеваға А.Ғ. - ҒКК төрағасының орынбасары; Бакенова Р.А. - ҒКК төрағасының орынбасары; Қайыргелдина С.А. – ҒКК Ғылыми хатшысы және ҒКК мүшелері.

Осы отырыста күн тәртібіне сәйкес мынадай мәселелер талқыланды:

1) «Медициналық ұйымдар кадрларының біліктілігін арттыру және қайта даярлау» 011 бюджеттік бағдарламасы бойынша 2018 жылғы 6 айда шетелде мамандарды оқыту жоспарының орындалуы туралы
баяндамашы: Қарабаева Р.Ж. - «Қазақстан Республикасы Президенті Іс Басқармасы Медициналық орталығының ауруханасы» РМК директорының емдеу-диагностикалық жұмыс жөніндегі орынбасары, медициналық ғылымдар докторы;

2) «Орталық клиникалық аурухана» АҚ-ның 2017 жылы және 2018 жылдың 6 айында жүргізген ғылыми қызметі туралы есеп
баяндамашы: Таңбаева Г.З. - «Орталық клиникалық аурухана» АҚ-ның емдеу-профилактикалық жұмыс жөніндегі вице-президенті, медициналық ғылымдар докторы, профессор;

3) «Қазақстан Республикасы Президенті Іс Басқармасы Медициналық орталығының Жаршысы» тоқсан сайынғы ғылыми-практикалық журналының Редакциялық кеңесінің және Редакциялық алқасының құрамын бекіту
баяндамашы: Қайыргелдина С.А. - «Медициналық технологиялар және ақпараттық жүйелер орталығы» АҚ президенті, Ғылыми-клиникалық кеңестің ғылыми хатшысы, биологиялық ғылымдар кандидаты;

4) «Қазақстан Республикасы Президенті Іс Басқармасы Медициналық орталығының ауруханасы» РМК Геронтология орталығының қызметі туралы»
баяндамашы: Вощенкова Т.А. - «Қазақстан Республикасы Президенті Іс Басқармасы Медициналық орталығының ауруханасы» РМК Геронтология орталығы басшысының орынбасары, медицина докторы (MD);

5) 2017-2019 жылдарға арналған «Ғылыми зерттеулерді бағдарламалық-мақсатты қаржыландыру» бюджеттік бағдарламасы шегінде «Симптомға дейінгі диагностиканың жаңа молекулярлық-генетикалық тәсілдері және бір қатар маңызды ауруларды емдеу әдістері» ғылыми-техникалық бағдарламасын іске асыру барысы туралы есеп
баяндамашы: Шаназаров Н.А. - Қазақстан Республикасы Президенті Іс Басқармасы Медициналық орталығының ауруханасы» РМК директорының ғылыми қызмет жөніндегі орынбасары, медициналық ғылымдар докторы, профессор;

6) 2018 жылғы 6 ай ішінде Қазақстан Республикасы Президенті Іс Басқармасы Медициналық орталығының ведомстволық қарасты ұйымдарындағы инновациялық технологиялар туралы
баяндамашы: Авдеев А. - Қазақстан Республикасы Президенті Іс Басқармасы Медициналық орталығының ауруханасы» РМК инновациялық менеджмент бөлімінің бастығы, медициналық ғылымдар магистрі.

Отырыс қорытындылары бойынша ҒКК төрағасы мен мүшелері баяндамашылардың есептерін қабылдады және Қазақстан Республикасының Президенті Н. Назарбаевтың үздік денсаулық сақтау және ұлт денсаулығы туралы жолдауы аясындағы медицинаның жаңа бағыттары бойынша қызметті жетілдіру жөнінде ұсынымдар берді

Қазақстан Республикасы Президенті Іс Басқармасының Медициналық орталығы  ЕСКЕРТЕДІ!!!

Жаз мезгілі басталуымен жіті ішек ауруларға шалдығу қаупі жоғарлайды. Дәл осы уақытта қоздырғыштардың сыртқы ортада сақталуы және олардың азық-түліктерде және суда көбеюуі үшін қолайлы жағдайлар қалыптасады.

Жіті ішек инфекциялары (ЖІИ) – бұл жіті инфекциялық аурулардың көп сандық тобы көбінесе асқазан-ішек жолдарын зақымдайтын түрлі микроорганизмдермен, қарапайымдар, бактериялармен, вирустармен туындайды.

Ішек инфекциялары, соның ішінде барлық инфекциялық аурулар патологиясы арасында екінші орынды алып отырған, кеңінен таралған энтеровирустық инфекция болып табылады.

Жіті ішек және энтеровирустық инфекциялары қалай жұғады:

• Инфекция қоздырғыштары адам ағзасына тағаммен, сумен, кішкентай балаларда ойыншықтар мен кір қол арқылы кіреді.
• Тамақ өнімдерінің ластануы ас дайындау, тамақ өнімдерін дайындау және термиялық өңдеу кезінде жеке бас гигиенасының (қолды жуу) ережелерін бұзу нәтижесінде орын алуы мүмкін. Тез бұзылатын азық-түлік өнімдері, сондай-ақ термиялық өңдеусіз дайындалатын және суық күйінде қабылданатын тағамдар өте қауіпті, оларда қоздырғыштары жиналып қоймай және көбеюі мүмкін.

Ауру қалай байқалады?

• Ағзаға ішек инфекциясы қоздырғышы енгеннен кейін ауру бірден байқалмайды. Жасырын кезеңі бірнеше сағаттан 2-7 күнге дейін созылады.
• Науқастың дене қызуы көтеріліп, әлсіздік, жүректің айнуы, тәбетінің болмауы, іштің ауруы, құсу, жиі сұйық нәжіс болады.
• Энтеровирустық инфекция серрозды менингиттер (бастың ауруы, құсу), миалгиялар (бұлшықеттердің ауруы), герпетикалық ангина (жұтқыншақтың артқы қабырғасында және таңдайда везикулалар), респираторлық және асқазан-ішек бұзылуы, сонымен қатар қызба аурулары түрінде байқалады.

Ішек және энтеровирустық инфекцияларды алдын алу мақсатында мыналарды ұстану қажет:

• үйге оралғанда, ас әзірлеу кезінде және тамақ ішер алдында, дәретханадан кейін уақтылы және мұқият қолды сабынмен жуу;
• тек жаңа піскен өнімдерді қолданып, ет, балық, жұмыртқаны жақсылап пісіру;
• тағамдарды турау үшін (шикі және пісірілген көкөністер, ет) жеке арнайы бөлшектеу тақтайлары мен пышақтар пайдаланылады;
• азық-түлік өнімдерін дұрыс сақтауға (тоңазытқышта), және егер дайындалған тағам келесі күні қалса, онда пайдаланар алдында оларды қажет термиялық өңдеуден откізу қажет;
• тез бұзылатын тағамдарды тоңазытқышта рұқсат етілген мерзім шегінде сақтау;
• ішуге қайнатылған су, сапасы кепілдендірілген бөтелкедегі суды ішу, сүтті тек қайнағаннан соң ішу, көкөністер мен жеміс-жидектерді, аскөкті, ағынды сумен мұқият жуып, соңынан қайнаған сумен шаю;
• азық-түлікті кездейсоқ адамдардан немесе рұқсат берілмеген сауда орындарынан сатып алмаңыз;
• арнайы бөлінген орындарда шомылыңыз.

«Медициналық технологиялар және ақпараттық жүйелер орталығы» АҚ президенті «Нафталан-2018» халықаралық мультипәндік ғылыми-практикалық конференциясын спикер ретінде қатысты

Ашылу салтанаты Әзірбайжанның Нафталан қаласында өтті.

Осы конференцияда түрлі елдердің ғалымдары мен мамандарының ғылыми ынтымақтастығын кеңейту, болашақта ғылыми зертханалар құру, нафталандық емдік мұнай негізінде жаңа дәрілік препараттар туралы мәселелер талқыланды. Осы іс-шарада Қазақстан Республикасы Президенті Іс Басқармасы Медициналық орталығының НАНА вице-президенті, химия ғылымдарының академик-хатшысы, академик Дильгам Тагиевке жолданған хат оқылды.

Конференцияға қатысу мақсаты - медициналық туризм мен халықаралық ынтымақтастықты дамыту, Қазақстан Республикасы Президенті Іс Басқармасы Медициналық орталығының санаторийлерін танымал ету. «Қазақстан Республикасы Президенті Іс Басқармасы Медициналық орталығының ауруханасы» РМК базасында «Қалалық курорт» жобасы үшін Нафталан инновациялық өнімін енгізу тәжерибесін зерделеу мақсатында медициналық туризм мен халықаралық ынтымақтастықты дамыту.
Қатысу нәтижелері бойынша Әзірбайжанның Ұлттық Ғылым академиясының Абдулла Караев атындағы Физиология институты мен «Медициналық технологиялар және ақпараттық жүйелер орталығы» АҚ арасында денсаулық сақтау және медициналық ғылым саласындағы ынтымақтастық туралы меморандумға қол қойылды.

Ынтымақтастықтың негізгі бағыттары:

1) Жаңа медциналық-биологиялық технологияларды және биомедициналық зерттеулерді дамыту саласында тәжірибе алмасу;

2) курорттық-санаторийлік секторда жергілікті табиғи ресурстарды пайдаланудың инновативтік әдістерін әзірлеуге, табиғи өндірілген жаңа дәрілік заттарды сынау мен енгізуге көмек көрсету;

3) зерттеуші және басқарушы персоналдың біліктілігін арттыру жөніндегі бағдарламаларды ұйымдастыру мен өткізу: мамандарды дипломнан кейін даярлау;

4) бірлескен ғылыми форумдарды ұйымдастыру және өткізу, диссертациялық және ғылыми-клиникалық кеңестерде өкілдік;

5) ғылыми ақпаратпен, әдебиетпен және библиографиялық басылымдармен алмасу.

«Қарлығаш» балабақшасы» РМК-нің «Самұрық, «Меруерт» даярлық топтарының балалары Астана қаласы «Интеллектуал» шахмат мектебі ұйымдастырған шахмат турниріне қатысты.

Турнир Швейцариялық жүйе бойынша 7 турда өтті. Турнирдің жеңімпаздары барлық партияларда көп ұпай жинағандары бойынша анықталды.

Турнирдің қорытындысы бойынша қатысушылар дипломдармен, медальдармен және кубоктармен марапатталды (І орын - 1, ІІ орын - 2, ІІІ орын - 1).

Қатысудың мақсаты шахматты дәріптеу, жас шахматистердің спорттық шеберліктерін арттыру және ойын тәжірибесін алу.

«Қарлығаш» балабақшасы» РМК «Қызыл кітап, балалардың көзімен» атты Халықаралық экологиялық байқауға қатысты.

Бұл байқауға қатысу интернет арқылы болды. Осы қашықтық байқауға сирек кездесетін өсімдіктер мен жануарлардың суреттері, сирек кездесетін жануарлардың бейнелері мен аппликациялары, жойылып бара жатқан (Ресей және басқа елдердің Қызыл кітабына енеген) жануарлар мен өсімдіктер түрлері туралы презентациялар қабылданды.

Қатысушылардың жұмыстары сараптамалық бағалаудан өтіп порталды жарияланды.

Байқау нәтижесінде балақша тәрбиеленуші Жанбатыров Мардан І орынға ие болып жеңімпаз дипломымен марапатталды,Жексембин Айдар, Кусаинова Амира және Алтай Айлин ІІ орын иегерлері болып жеңімпаз дипломдарымен марапатталды.

Байқаудың мақсаты өскелең ұрпақтың өсімдік пен жануар әлемінің әртүрлілігінің қысқартылуы мәселесі қатынасына белсенді өмірлік позициясын және экологиялық мәдениетін қалыптастыру,қоршаған орта мәселелеріне көңіл аударту.